සොභාදම

 සොභාදම
ඉරි තැලුන බිම
නියර උඩ මොහොතකට
හෙලා නෙත් විපරම් කර
පච්ච පැහැ දල්ලක් දකින්නට
වෙල් යායේ කොණක
බන්ඩි ගොයමේ සිසිල
විඳින්නට ආයෙමත්
ගමට ආපසු නැවත
මිටියාවත අභියස
ලා නිල්ල වැතිරුණ
හුස්මක් ගන්න වත්
පපුව පුරවා
නැහැ නිල්ල වෙල් සිසිල
ඇඟේ ඇවිදින් වදින

දැක්ම

දැක්ම

කුසට බත් මිටක් නැතිව
පාන් කෑල්ලකින් කුසගිනි නිවා
කහට තේ වතුර බී
මැණික් ආකර පත්ලේ
දිවි පරදුවට තබා
දා බිදු ‍‍‍‍‍‍‍හෙලන
සහෝදර ඔබ සොයන
මිණ කැට
ලිස්සා යයි
බයර්ගේ සාක්කුවට.
දේශයේ අමිල සම්පත
ඇදි යයි පරතෙරට
අද මෙන් හෙට දිනක්
ඔබ හෙලන දා බිංදු
එක් වනු ඇත
පතල ගැඹුරටම
පය තබනු මැන...
නැණ නුවණ ලබා
නව ලොවකට....
සමන් ගිර දෙස බලා

පිදෙමි සමන් කැකුළක් වී මුනිඳුට

පිදෙමි සමන් කැකුළක් වී මුනිඳුට
*****************************
මඳ අදුරෙහි ගසමින් නෙක......... . කරණම්
දස'තම කිචි බිචි පතුරත..................විහිගුම්
බටිති මලිති රඟ රස විඳි................මනරම් 
බඩ වැටියෙහි වන කුමරිය......... .මම වෙම්.

සද පිබිදෙන රෑ තරු................ගනිමින්නේ
කඩුපුලියගෙ ඉඟි බිඟි..............බලමින්නේ
නිල් දිය මතු පිට පියවර............. මැන්නේ
මා කොඳ කුමරිය සඳ යට..............පින්නේ

සපු සල් නා මල් සුවද.......................ගලද්දී
වන දෙව් කුමරියො ඉන් මත්............ වෙද්දී
පෑයූ පුන් සද කොමළ.......................කරද්දී
මම වෙමි සල් මල සුලඟෙහි............... පැද්දී

හෙමින් හෙමින් මඳ නළ හමනා............ විට
පහන් දැල්ල රඟ දෙනවා පිට..................පිට
මනස එකළු කරගෙන.............. එකලසකට
පිදෙමි සමන් කැකුළක් වී.................. මුනිඳුට

x