නීලකුරින්ජි (Neelakurinji) නැතහොත් විද්යාත්මක නාමයෙන් Strobilanthes kunthiana ලෙස හැඳින්වෙන්නේ දකුණු ඉන්දියාවේ බටහිර ඝාට්ටු (Western Ghats) කඳුකරයට පමණක් ආවේණික වූ, මුළු ලෝකයේම පරිසරවේදීන්ගේ සහ සංචාරකයින්ගේ අවධානය දිනාගත් අතිශය අසිරිමත් පඳුරු ශාකයක්.
නීලකුරින්ජි ශාකයේ ඇති සුවිශේෂීම ලක්ෂණය වන්නේ එහි ජීවන චක්රයයි. මෙම මල් පිපෙන්නේ වසර 12කට එක් වතාවක් පමණයි. වසර 12ක් පුරා බීජ පැලවී, පඳුරක් ලෙස වැඩී, එකම කාලයකදී මුළු කඳු පන්තිය පුරාම එකවර මල් පිපීම සිදුවනවා. මල් පිපී අවසන් වූ පසු ශාකය මියයන අතර, නැවත ඊළඟ වසර 12ක චක්රය සඳහා බීජ පොළොවට මුදා හරිනවා.
නීලකුරංජි මල් පිපෙන ප්රධානතම කලාපයක් වන්නේ තමිල්නාඩුව සහ කේරළය මායිමේ පිහිටි සුප්රසිද්ධ කඳුකර ක්ෂේම භූමියයි. නීලකුරින්ජි මල් එකවරම පිපුණු විට මුළු කඳු පන්තියම දම් සහ නිල් පැහැති මහා පලසක් දැමුවාක් මෙන් දිස්වනවා. මේ නිසාම මෙම කඳු පන්තියට නීලගිරි" (Blue Mountains / නිල් කඳු) යන නම ලැබී තිබෙනවා
උද්භිද විද්යාවට අනුව මෙම ශාකය හැඳින්වෙන්නේ Plietesialsවර්ගයේ ශාකයක් ලෙසයි. එයින් අදහස් කරන්නේ මල් පිපීමට පෙර වසර ගණනාවක දීර්ඝ කාලයක් ගන්නා ශාක විශේෂයි.
වතුර හෝ දේශගුණය නිසා නොව, ශාකයේ අභ්යන්තර ජානමය ඔරලෝසුව (Internal genetic clock) මඟින් වසර 12ක කාලය නිවැරදිව ගණනය කරනු ලබනවා.
මෙසේ එකවර මල් මිලියන ගණනින් පිපීම (Mass masting) පිටුපස ඇති පරිණාමීය උපක්රමය නම්, සතුන් කොතරම් මල් සහ බීජ ආහාරයට ගත්තද, ඉන් බහුතරයක් බීජ ඊළඟ පරම්පරාව සඳහා ඉතිරි කර ගැනීමයි.
නීලකුරින්ජි මල් පිපෙන කාලයට එම ප්රදේශවල වෙසෙන මී මැස්සන් මෙම මල්වලින් විශේෂ පැණි වර්ගයක් එකතු කරනවා. කඳුකරයේ වෙසෙන ගෝත්රික ජනතාව පවසන පරිදි මෙම "කුරින්ජි පැණි" ඉතාමත් රසවත්, ඖෂධීය ගුණයෙන් ඉහළ මෙන්ම ඉතාමත් දුර්ලභ එකක්.
ඝාට්ටු වැසියන් පැරණි කාලයේ තමන්ගේ වයස ගණනය කිරීම සඳහා භාවිතා කර තිබෙන්නේද මෙම මල් පිපුණු වාර ගණනයි. උදාහරණයක් ලෙස කෙනෙකු කුරින්ජි මල් පිපෙනවා තුන් වතාවක් දැක තිබේ නම් ඔහුගේ වයස අවුරුදු 36ක් ලෙස සලකා තිබෙනවා.
පැලෑටියේ නම ද්රවිඩ වචනයක හැඩ රුව තිබෙනවා
ReplyDelete